🅚︎🅢︎🅡︎🅣︎🅒︎✳️"ആനവണ്ടി"നാം കണ്ടതും കേട്ടതും...ഒരു പഠനം..✳️

🅺︎🆂︎🆁︎🆃︎🅲︎ ഓടുന്നതും നാം കാണുന്നതും...

ഭാഗം 0️⃣2️⃣

⭕ലഭ്യമാവുന്ന വരുമാനവും ചിലവഴിക്കപ്പെടുന്നതും..⭕

===========================

ടിക്കറ്റ് വരുമാനവും ടിക്കറ്റിതര  വാടക പരസ്യ ഇനങ്ങളിൽ നിന്നുള്ള വരുമാനവും ദിവസ - മാസ വരുമാന കണക്കുകളിൽ ഉൾക്കൊള്ളിക്കുന്നുണ്ടോ എന്നുള്ളത് വരെ ഒരു സംശയമായി കിടക്കുന്നുണ്ട്.

ഈയടുത്ത കാലം വരെ വരുമാന കണക്കുകളിലെയും ചിലവിലെയും കൃത്യത സൂക്ഷിക്കാനായി വിദഗ്ദരായ അക്കൗണ്ടന്റിനെ നിയമിച്ചിട്ടില്ല.

കേരളത്തിൽ ഇന്ന് ഒരു ദിവസം ഏറ്റവും കൂടുതൽ വരുമാനം ലഭിക്കുന്ന ഒരു സ്ഥാപനമായ ksrtc യിൽ ഒരു അക്കൗണ്ടന്റിനെ നിയമിച്ചിട്ടില്ല എന്ന് പറയുമ്പോൾ തന്നെ മനസിലാക്കാം ഈ സ്ഥാപനത്തിന്റെ ഭരണ നിർവഹണം എങ്ങനെ ഒക്കെയാണ് നടക്കുന്നത് എന്ന്...

സ്ഥാപനത്തിന്റെ ക്ഷേമത്തിനും ഉന്നതിക്കുമായി നടത്തുന്ന ക്രമീകരണങ്ങളും ചിലവഴിക്കപ്പെടുന്ന വരുമാനവും ഏതെല്ലാം വഴിക്കാണ് പോകുന്നത് എന്നതിനെ കുറിച്ച് പരിശോധിക്കാനുള്ള ഒരു സംവിധാനം ഉണ്ടോ എന്നതാണ് മുഖ്യ വിഷയം.

വിവിധ വഴികളിലൂടെ സ്ഥാപനത്തിന് ലഭിക്കുന്ന വരുമാനം കൃത്യമായി രേഖപ്പെടുത്തുകയും ആയതൊക്കെ ചിലവഴിക്കപ്പെടുന്നതിലും സൂക്ഷ്മമായ നിരീക്ഷണവും ആവശ്യവുമാണ്.

സ്ഥാപനത്തിന്റെ ദൈനം ദിന ചിലവുകൾക്കും മറ്റുമായി വിനിയോഗിക്കുന്ന പണവും സമ്പത്തും പോകുന്ന വഴികളെ കുറിച്ച് ബന്ധപ്പെട്ടവരുടെ ഭാഗത്ത് നിന്നുള്ള മേൽനോട്ടം എത്രത്തോളം ഫലവത്തായി നടക്കുന്നുണ്ട് എന്ന് പരിശോധിക്കേണ്ടതായിട്ടുണ്ട്.

നമ്മുടെ സംസ്ഥാനത്തെ ഏറ്റവും വലിയ പൊതുമേഖലാ സ്ഥാപനമായ ഈ ksrtc എന്ന ഗതാഗത സംവിധാനത്തിന്റെ നടത്തിപ്പിനും പ്രവർത്തനങ്ങൾക്കുമായി ആവശ്യമായി വരുന്ന ഉപകരണങ്ങളും സാധന-യന്ത്ര സാമഗ്രികൾ ഒരുപാടുണ്ട്.

അത് കൊണ്ട് തന്നെ ഇവിടേക്ക് ആവശ്യമായതൊക്കെ purchase ചെയ്യുമ്പോൾ നിയമാനുസൃത സുതാര്യവുമായ നടപടി ക്രമങ്ങൾ പാലിക്കുന്നുണ്ടോ എന്നും നാം പുറമെ നിന്നും മാധ്യമങ്ങളിൽ നിന്നും കണ്ടും കേട്ടും അറിയുന്ന കാര്യങ്ങളിൽ എത്രത്തോളം വാസ്തവമുണ്ട് എന്നും പരിശോധിക്കണം.

ഇത്തരം purchasing ഇടപാടുകളിൽ സർക്കാരിന്റെ ഭാഗത്ത് നിന്നുള്ള നേരിട്ടുള്ള ഇടപെടലുകൾ ഉണ്ടാകാറില്ല.

പൊതു ജനത്തിന്റെ നികുതിപണം കൊണ്ട് തീറ്റി പോറ്റി നിലനിർത്തി വരുന്ന ഒരു സ്ഥാപനമാണ് ഇത്.

വ്യക്തിപരമായ നഷ്ടം ചൂണ്ടിക്കാണിക്കാൻ പൊതു ജനത്തിന് കഴിഞ്ഞില്ലെങ്കിലും സമൂഹത്തിനും സർക്കാരിനുമുണ്ടാകുന്ന revenue നഷ്ടം തുടരാനാകില്ല.

 സ്ഥാപനത്തിന്റെ തലപ്പത്തിരിക്കുന്നവരുടെ കെടുകാര്യസ്ഥതയും അലംഭാവവും  മാധ്യമങ്ങളിൽ ചർച്ചയായതും തുടർന്ന് വരുന്ന ഈ അലംഭാവം സ്ഥാപനത്തെ നഷ്ടത്തിലേക്കും തകർച്ചയിലേക്കുമാണ് കൊണ്ടെത്തിക്കുന്നത്.

സ്ഥാപനത്തിനാവശ്യമായ യന്ത്ര സാമഗ്രികളും ഉത്പന്നങ്ങളും purchase ചെയ്യുമ്പോൾ ഗുണമേന്മ ഉണ്ടെന്നു ഉറപ്പ് വരുത്തണം.

മാർക്കറ്റിൽ നിന്നും ലഭ്യമായ വിലയേക്കാൾ കുറച്ചു ലഭ്യമാവുന്ന തരത്തിലുള്ള സൂക്ഷ്മമായ ഇടപെടലുകളും കാര്യക്ഷമമായ മേൽനോട്ടവും ഉണ്ടാകുന്നില്ലന്നു ചർച്ചയായിട്ടും ഈ ഒരു പ്രവണതക്ക് മാറ്റമുണ്ടാക്കുവാൻ കഴിഞ്ഞിട്ടില്ല.

സാധ്യമായ വഴികളിലൊക്കെയും അന്വേഷണം നടത്തുകയും പ്രമുഖ കമ്പനികളുടെ ഗുണമേന്മയുള്ളതും ഈടുറ്റതുമായ ഉല്പന്നങ്ങൾ ലഭ്യമാക്കുക വഴി മാത്രമേ ചിലവുകൾ കുറക്കുവാൻ കഴിയുകയുള്ളു.

തിരക്ക് കൂടിയ ബസുകളിൽ കണ്ടക്ടറുടെ ശ്രദ്ധയിൽ പെടാതെ മന:പൂർവം ടിക്കറ്റ് എടുക്കാതെ യാത്ര ചെയ്യുന്ന യാത്രക്കാർ നിരവധിയാണ്.

ഇവിടെ ഈ യാത്രക്കാരെ നിയമാനുസൃതമായ പിഴ ഈടാക്കാതെ കുറ്റം മുഴുവൻ കണ്ടക്ടറുടെ ഗുരുതരമായ കുറ്റമായി കണ്ടു മേലോട്ട് റിപ്പോർട് തയാറാക്കി അയക്കാൻ കാണിക്കുന്ന താല്പര്യത്തിലെ ഒരംശമെങ്കിലും മേൽത്തട്ടുകളിൽ നടക്കുന്ന പാളിച്ചകളിൽ ശ്രദ്ധിച്ചാൽ ലക്ഷങ്ങളുടെ ചോർച്ച തടയാനാകും.

ഗുണമേന്മയില്ലാത്ത യന്ത്ര സാമഗ്രികളുടെ ഉപയോഗം കൊണ്ടോ എതിരെ വരുന്ന വാഹനത്തിന്റെ ഡ്രൈവറുടെ അശ്രദ്ധകൊണ്ടോ ബസിനു സംഭവിക്കുന്ന ചെറിയ കേടുപാടുകൾക്കു പോലും ഡ്രൈവർ വിഭാഗം ജീവനക്കാരിൽ നിന്നും ഭീമമായ നഷ്ടപരിഹാരം ഈടാക്കുന്ന അധികാരികൾ സ്ഥാപനത്തിന്റെ നഷ്ടഭാരം മുഴുവൻ തൊഴിലാളികളുടെ നെഞ്ചത്ത് കയറ്റി വെക്കുന്നത് സ്ഥാപനത്തിനോടുള്ള മതിപ്പും കൂറും ആത്മാർത്ഥതയും കുറയുന്നതിന് മാത്രമേ ഉപകരിക്കുകയുള്ളു.

തുടരും...

(3) ജീവനക്കാരെ വിശ്വാസത്തിലെടുക്കൽ...

🅚︎🅢︎🅡︎🅣︎🅒︎

✳️"ആനവണ്ടി"

നാം കണ്ടതും കേട്ടതും...

ഒരു പഠനം..✳️

✍️അഭിപ്രായങ്ങളും നിർദേശങ്ങളും എഴുതാം...!✍️

More read...

Follow page

Psycho media informative